بتستقوى بتيجي عليها و تهينها و مبسوط انك الاقوى بتستقوى بتكسر بالجحود عينها و مافيش لا شهامة ولا تقوى
و ماليها جروح ده منك للي خلقك روح بتضربها بدل ما تشوف دموع منها فمن حضنك تقربها
بتضربها ليه راضي البهدلة عليها مادام رافض تجربها
ضميرك فين اكيد ميت يا عيني خلاص بقاله سنين هتفضل عايشه مكسورة يا حول الله
ضعيفة يا عيني معذورة في عذاب عيشاه
لو انت تدوس اوي عليها نجيب مين تاني يحميها، و مين هيكون سند ليها و تعيش وياه
بتكسرها و عادي شايفها تعبانة و مافيش مانع تدمرها بتكسرها و بكرة تفوق مضيعها و هتندم لما تخسرها
و ما تلاقيهاش عشان فعلا ما حبيتهاش
مافيش احساس بدال ما تحطها في عينك بتتهان تتشتم تداس مافيش احساس ده راجل يعني حنية و مفيش حنية يبقى خلاص
هيفضل ايه و لما تسيبها مقهورة انت كسبان ايه هتفضل عايشة مكسورة يا حول الله
ضعيفه يا عيني معذورة في كتير حاساه
لو انت تدوس اوي عليها نجيب مين تاني يحميها، و مين هيكون سند ليها و تعيش وياه.