يا مصرى وانت اللى هاممنى من دون الكل هزيـــــل ويحسبك الجاهــــل عيّان بالسـل من دى الكيــوف اللى تصبّر على كثر الذل ونمــت والعالـــــم فايـــــــق قوم بص وطـلّ وشوف الشعوب واتغص ودوب وارجع انسان.
يا شرق فيك جــو منّـــــور والفكر ظـــــــــلام وفيــــــك حراره ياخسـاره وبرود أجســــــــام فيـــك سبعميت مليون زلمه لكن أغنــــــــــــام لا بالمسيح عرفوا مقامهم ولا بالاســــــــلام هى الشموس بتخللى الروس كداهو بدنجـان.
أربع عساكر جبــــابرة يفتحوا برليـــــــــن ساحبين بتاعة حلاوة جاية من شربيـــــــــــن شايلة على كتفها عيل عنـــــــيه وارميـــــــن والصاج على مخها يرقص شمال ويميـــــــــن إيه الحكاية يا بيه؟ جال خالفت الجوانين؟ اشمعنى مليون حرامي في البلد سارحين! يمزعوا في جيوب ويفتحـــــــوا الدكاكــــــين؟ اسأل وزير الشون والا أكلـــــــم ميـــــــــــن!.
عقلي ملخبط يا خلايق وعنيه مزغللين من نسوانك يا فرنسا البيض العريانين اشمعنى قفاهم ابيض وقفايا زي الطين وانا ناشف ليه ومعضم ودولاته متختخين يا خالق الصعايده عفشين ومعصعصين وعاطيهم نسوان عيضه ناشفين ومقشفين.
الصبـر لأبأس بالصبـر لكـل مـن راح تواسى قلِّب كفوفك على الجمر حـتى تنـول الخـلاصى.
من قبل مااكتب أنا عارف القــــــول ضايــــع والأجــر بالتأكيد ذاهــب حسب الشـايـــــع والشتــم حايجينى مسوجر من واد صـــايــع مهما انكويت بالنار والزيـت برضــك فنــــــــان.
والمغـــربى المسلم راخر أبو زر فاشـــــوك لما انتقدتــه فزع قــال لى يلعن بــــوك ونا اللى قصدى أشوف قيده يصبح مفكوك لقيته فرحـان به راضـــــى طيّب مبـروك خليك فقيــر دق البنديـــر وكل التغبــــان.