أشهر خواطر وأشعار الشاعر أحمد فؤاد نجم.
الخط ده خطّي والكلمة دي ليَّ غطّي الورق غطّي بالدمع يا عينيّ شط الزتون شطّي والأرض عربية نسايمها أنفاسي وترابها من ناسي وإن كنت أنا ناسي ما حتنسانيش هيّ
الخط ده خطّي والكلمة دي ليَّ لاكتب على عيني يحرم عليكي النوم واحبس ضيا عيني بدموعي طول اليوم قبل الوفا بديني زَي الصلا و الصوم ده الدين في عُرف الحر هم و مذلة ومر وهموم تجيب و تجُر أحزان مخبِيَّة.
ع المحطة ع المحطة واللي شفته ع المحطة طلعت الخفه ام شنطة سلم الاتوبيس بنطة حته ملعب والاكاده في القوام والحسن بطة هي خشت درجه اولى والكراسي بقت منطة سابو تانيه وغلب تانيه والقطيع على اولى خطى اللي يهبش في الجونله واللي يعلى واللي يوطى |بص واحد م اللي همه دمهم فلفل وشطه شاف صنايعي في البريمو قال له خش هناك ياسطى ثانيه انسب للي زيك دي الحقيقه بلاش مغالطه الاسطى قال له ياعم روق دي الحياه تحب المباسطة وانت شايف مش مغمض حاجه ملبن حاجه قشطة.
في الزمالك من سنين، وف حمى النيل العظيم،قصرمن عصر اليمين، ملك وحده م الحريم، صيتها اعلى م الآذان، يسمعوه المسلمين والتتر والتر كمان ،والهنود والمنبوذين .ست فاقت ع الرجال في المقام والاحترام صيت وشهره وتل مال،يعني في غايه التمام، قصره يعني هيه كلمه، ليها كلمه ف الحكومه بس ربك لجل حكمه قام حرمها م الامومه والامومه طبع ثابت جوا حواء من زمان تعمل ايه الست جابت فوكس رومي وله ودان فوكس ده عبقال املتك عنده دسته خدامين يعني مش موجود في عيلتك شخص زيه ياسماعين.
عن موضوع الفول واللحمة صرح مصدر قال مسئول ان الطب اتقدم جدا والدكتور محسن بيقول ان الشعب المصري خصوصا من مصلحته يقرش فول حيث الفول المصري عموما يجعل من بني ادم غول تأكل فخده في ربع زكيبه والدكتور محسن مسئول يديك طاقة وقوة عجيبة تسمن جدا تبقى مهول ثم اضاف الدكتور محسن ان اللحمه دي سم أكيد بتزود أوجاع المعدة وتعود على طولة الايد وتنيم بني ادم وتفرقع منه المواعيد واللي بياكلوا اللحمة عموما حيخشوا جهنم تأبيد يادكتور محسن يامزقلط يامصدر ياغير مسئول.
هما مين واحنا مين هما الامر والسلاطين هما المال والحكم معاهم واحنا الفقرا المحكومين حزر فزر شغل مخك شوف مين فينا بيحكم مين احنا مين وهما مين احنا الفعلا البنايين احنا السنه واحنا الفرض احنا الناس بالطول والعرض.