عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي.
أهوي الهوي و همس الهوي في العيون وبسمة المغرم ودمعه الحنـــــــــــــــون وزلزلات الحب نهد الصبـــــــــــــــــــــا أكون انا المحبوب أو لا أكــــــــــــــــون.
ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحو أعدي بحر ألاقي غيره اتحفر.
تسلم يا غصن الخوخ يا عود الحطـــــــــب بييجي الربيع تطلـــــــــــع زهورك عجب وأنا ليه بيمضـــــــــــي ربيع وييجي ربيع ولسه برضك قلــــــــــــــــــبي حتة خشب.
زحام و أبواق سيارات مزعجـــــة للي يطول له رصيف يبقي نجـــا لو كنت جنبي يا حبيبي أنــــــــــــا مش كنت أشوف إن الحياة مبهجة.
عاد الربيع كأنه طعم الحــــــــــــــــــب والحب نار جوه العروق بتصـــــــــب اتمتع ازاي بيه وانا متقطـــــــــــــــع من كتر خوفي لا في الخطيئة يطب.