المقادير
2 x معلقة صغيرة ملح
2 x معلقة كبيرة زيت عباد شمس
2 x كوب فريك
1 x عدد بصلة (مبشورة)
1 x معلقة كبيرة زبدة
1 x معلقة صغيرة فلفل اسود مطحون
مقادير شوربة الدجاج
5 x لتر ماء
5 x عدد ورق لورا
3 x معلقة صغيرة ملح
1 x عدد دجاجة كاملة (حوالى كيلو)
1 x عدد بصلة
½ x معلقة صغيرة حبهان (مطحون)
½ x معلقة صغيرة فلفل اسود مطحون
الخطوات
نفتح نار الفرن و نسيبه يسخن على درجة حرارة 160 لـ 180
نبدأ بتحضير الشوربة
هنقشر البصلة ونشقها من فوق بالسكينة 4 أرباع.
في حلة كبيرة هنغلي 5 لتر ماء و عليهم الملح و البصلة
على نار متوسطة هنًزل الدجاجة في الحلة بعد ما نكون نضفناها كويس بملح و دقيق
هيتكون على الدجاجة ريم (رغوة بتظهر على الماء من فوق) نشيلها علشان يبقى الماء صافي
نضيف الفلفل و الحبهان
هنسيب الحلة لمدة 35 دقيقة و بعدين نشيل الدجاجة و بكده تبقى دي الشوربة
نغسل الفريك و ننقعه في ماء لمدة 10 دقائق و بعديها نضيفها في طاجن فخار
نغلي الشوربة و نضيفها على الفريك و نضيف عليها الزبدة و الزيت و البصل و الملح و الفلفل و نقلبهم جيدا
هندخل الطاجن الفرن في الرف الأسفل من 30 لـ 45 دقيقة لحد ما يشرب الماء و بعدها ننقل الطاجن للرف العلوي و نسيبه لمدة 30 دقيقة. جاهزة للتقديم