المقادير
3 x حزمة بقدونس طازج
3 x حزمة كزبرة خضراء
2 x معلقة كبيرة زيت عباد شمس
2 x معلقة كبيرة بودرة ثوم
1 x معلقة صغيرة فلفل اسود مطحون
1 x معلقة كبيرة كزبرة جافة مطحونة
1 x معلقة صغيرة ملح
1 x لتر ماء
1 x معلقة كبيرة كمون
1 x عدد بصلة (كبيرة)
1 x كيلو فول (مدشوش)
الخطوات
نغسل الفول المدشوش كويس جدا و نضيفه في حلة فيها لتر و نصف ماء و نضيف عليهم البقدونس و الكزبرة
نترك الحلة على النار لحد ما الفول يستوي و ده بنعرفه لما نلاقي حباية الفول أصبحت طريّة و سهلة الهرس
نشيل الحلة من على النار و نضرب الخليط في الخلاط
هنرّجع الحلة تاني على النار و نضيف عليها الكزبرة الجافة و الكمون و الفلفل و الملح و الثوم و نقلبهم جيدا
على جنب بنقطع بصلة كبيرة حلقات و نحطها في طاسة فيها معلقتين زيت كبار و نحمر البصل على النار
بعد ما البصل يتحمر هنصفّي زيت التحمير في حلة البصارة مع ربع كمية البصل المحمر
بالمغرفة هنوزع البصارة على سلاطين صغيرة و بعدين نوزّع باقي كمية البصل المحمر على وش كل سلطانية