المقادير
6 x عدد فص ثوم (مهروس)
2 x عدد ليمونة
2 x معلقة كبيرة دبس الرمان
1 x عدد قرن فلفل حامى (مقطع شرائح)
1 x معلقة صغيرة ملح
1 x عدد فلفل أخضر حلو
½ x معلقة صغيرة جنزبيل (مطحون)
½ x معلقة صغيرة فلفل اسود مطحون
½ x معلقة صغيرة كمون
½ x كيلو كبدة
الخطوات
هنقطع الكبدة لشرائح صغيرة ونحطها فى بولة غويطة.
هنضيف الملح والفلفل والكمون والجنزبيل ودبس الرمان والثوم ونقلب كويس.
هنعصر الليمون على الكبدة ونقلب كويس.
هنسيب الكبدة فى التتبيلة ساعة أو تبات فى الثلاجة.
فى طاسة غويطة هنضيف القليل من الزيت وهنقلب فيها الكبدة ومعاها شرائح الفلفل الحامى لمدة 10 دقائق على النار.
تقدم فى ساندويتشات العيش الفينو وبالهنا والشفا.