المقادير
2 x معلقة كبيرة زبدة (لعمل البشاميل)
2 x معلقة كبيرة دقيق (لعمل البشاميل)
2 x كوب مكرونة (قلم)
1 x كوب بروكلى (مُقطع إلى قطع صغيرة)
1 x معلقة صغيرة ملح (لعمل البشاميل)
1 x كوب كوسة (مُقطع إلى مكعبات صغيرة)
1 x كوب لبن كامل الدسم (لعمل البشاميل)
1 x كوب جبنة موزريلا (مبشورة)
1 x معلقة صغيرة فلفل اسود مطحون (لعمل البشاميل)
مقادير صوص البشاميل
4 x معلقة كبيرة دقيق
4 x معلقة كبيرة زبدة (مكعبات)
2 x معلقة كبيرة زعتر (فريش)
2 x عدد ورق لورا
1 x معلقة صغيرة ملح
1 x لتر لبن كامل الدسم
1 x عدد حباية جزر (مقطعة لقطع كبيرة)
1 x عدد بصلة (مقطعة لقطع كبيرة)
½ x معلقة صغيرة حباية جوزة الطيب (مبشورة)
مقادير طريقة تسوية المكرونة
200 x جرام مكرونة (او نصف كيس)
2 x لتر ماء
2 x معلقة صغيرة ملح
الخطوات
هنحضر البشاميل (نصف الكمية فقط)
فى حلة على النار هنضيف اللبن والجزر والبصل واللورا والزعتر ونسيبه يغلى وبعدين نصفيه من المكونات ونسيبه يبرد.
فى حلة على النار هنسيح الزبدة ونضيف الدقيق ونقلب كويس لحد ما الخليط يتجانس.
هنضيف اللبن تدريجيا على الزبدة والدقيق ونقلب كويس وبسرعة لحد ما قوام الصوص يتماسك ويبدأ يغلى وبكده يبقى الباشاميل جاهز
هنسوى المكرونة
نغلي الماء في حلة كبيرة
نضيف الملح
نضيف المكرونة و نقلبها باستمرار علشان متعجنش
نسيبها من 8 لـ 12 دقيقة تغلي مع الماء و بعد ما تستوي صفيها من الماء
فى حلة هنضيف المكرونة و نصب عليها الخضروات وصوص البشاميل ونقلب كويس جدا.
فى صينية مدهونة بالزيت هنضيف الخليط ونرش الجبنة الموتزريلا على الوجه.
هنخل الصينية الفرن على درجة حرارة 180 لمدة 25 دقيقة أو لحد ما الوجه يكتسب اللون الذهبى.. بالهنا والشفا.