المقادير
3 x معلقة كبيرة زيت عباد شمس
2 x عدد طماطم (مقطعة قطع صغيرة)
2 x عدد رغيف عيش بلدى (مقطع قطع صغيرة ومقلى)
2 x عدد بصل (مقطعين شرائح)
2 x معلقة كبيرة عصير ليمون
2 x كوب زبادي
2 x معلقة كبيرة مايونيز
1 x معلقة صغيرة ملح (أو حسب الرغبة)
1 x كوب خل
1 x معلقة كبيرة طحينة
1 x كوب بقدونس طازج (مفروم)
1 x عدد فص ثوم (مفروم)
1 x كيلو صدور دجاج مخلية (مقطعة شرائح)
1 x معلقة صغيرة فلفل اسود مطحون (أو حسب الرغبة)
1 x معلقة صغيرة بهارات دجاج (أو حسب الرغبة)
الخطوات
فى صينية كبيرة على النار هنضيف زيت وهنضيف شرائح الدجاج ونقلبهم من حين لآخر لحد ما الدجاج يستوى.
بعد ما الدجاج يستوى ومن غير ما نشيله من على النار هنضيف البصل والملح والفلفل والبهارات ونقلب كويس من وقت للتانى حوالى دقيقتين.
هنضيف الخل ونقلب كويس لمدة دقيقة وبعدين نضيف الطماطم والبقدونس ونقلب على خفيف لمدة دقيقة كمان وترفع من على النار.
فى بولة هنضيف الزبادى والمايونيز والطحينة ونقلبهم كويس جدا.
هنضيف عليهم ملح والثوم وعصير الليمون ونقلب كويس.
فى طبق التقديم هنضيف الشاورما وعليها صوص الزبادى وهنزبن الوجه بالعيش المقلى.. بالهنا والشفا.
ملاحظات
- ممكن نضيف للمكونات أرز مطبوخ و يضاف للفتة فى طبق التقديم مع تقليل كمية الطماطم والبقدونس.
- تقدم مع الثومية والخيار المخلل.
- ممكن نستبدل صوص الزبادى بالثومية.
- للحصول على طعم مميز يفضل تبخير الشاورما بالفحم بعد ما تستوى.