طريقه عمل بريانى الجمبرى
المقادير
100 x جرام زبدة
6 x كوب مرق الدجاج
3 x كوب أرز بسمتى (مغسول ومنقوع ومصفى)
3 x عدد فص ثوم (مفروم)
2 x عدد طماطم (مفرومة ناعم)
2 x معلقة كبيرة زعفران
1 x كيلو جمبرى (متوسط الحجم مقشر ومغسول)
1 x معلقة كبيرة ملح
1 x معلقة صغيرة حبهان
1 x معلقة صغيرة بابريكا
1 x عدد بصلة (مفرومة ناعم)
1 x كوب لبن رايب
1 x معلقة صغيرة كارى أصفر
1 x معلقة كبيرة شطة
½ x معلقة صغيرة فلفل اسود مطحون
½ x معلقة صغيرة جنزبيل (مطحون)
½ x معلقة صغيرة كزبرة جافة مطحونة
½ x معلقة صغيرة كمون
½ x معلقة صغيرة قرنفل (مطحون)
½ x كوب لبن كامل الدسم
الخطوات
فى طاسة عميقة هنسيح الزبدة ونقلبها كويس مع البصل والثوم لحد ما يدبلوا وبعدين هنضيف كل البهارات "كمون، كزبرة، كاري، بابريكا، قرنفل، هيل، فلفل أسود، زنجبيل" والشطة و نصف كمية الملح وهنقلبهم كويس لمدة 3 دقائق وبعدين هنضيف الطماطم ونستمر فى التقليب.
بعد كده هنضيف الجمبرى ونقلبه فى الخليط لمدة 8 دقائق وبعدين ننشله ونشيله فى طبق على جنب.
بعد كده هنضيف اللبن الرايب لخليط الثوم والبصل ونقلب كويس.
بعد كده هندوب الزعفران فى اللبن وهنضيفه للخليط مع الاستمرار فى التقليب.
هنجيب حلة وهنضيف الأرز وهنضيف عليه خليط اللبن والزعفران والثوم والبصل وهندوق ونظبط الملح بباقى الكمية وهنضيف مرقة الدجاج.
هنطبخ الأرز على نار هاديه من 15 ل 30 دقيقة لحد ما يشرب الماء ويستوى.
هنغرف الأرز فى طبق التقديم وهنضيف الجمبرى على الوش وهنزينه بالمكسرات والبقدونس.