المقادير
4 x كوب زيت ذرة
2 x مكعب ثلج
1 x معلقة صغيرة ملح
1 x كيلو سمك فيليه (متقشر و مخلي)
1 x رشة فلفل حامي مطحون
1 x كوب دقيق
1 x كيلو بطاطس (بقشرها)
1 x كوب كلوب صودا (ساقع)
1 x معلقة صغيرة باكينج بودر
الخطوات
هنقطع البطاطس شرايح عريضة (عرض صباعين , سمك عادي و طول عادي)
هنضيف البطاطس المقطعة في وعاء فيه ماء ساقع لمدة 30 دقيقة على الأقل (لنتيجة أفضل ممكن يتنقع من اليوم اللي قبله)
هنقطع السمك لشرايح صغيرة..تقريبا بنفس حجم شرايح البطاطس أو أكبر شوية
في وعاء كبير هنضيف الدقيق و الملح و الفلفل و الباكين بودر و الفلفل الحامي المطحون و نقلبهم بالشوكة كويس
نضيف الكلوب صودا و نقلب كويس و بعدين نضيف مكعبات الثلج
في طاسة تحمير هنسيب الزيت يسخن شوية
نشيل البطاطس من وعاء الماء و ننشفهم كويس من الماء بمنشفة نظيفة و نضيفهم في الزيت لمدة دقيقتين و بعدين نطلعهم على ورق الزبدة عشان نصفي منهم الزيت
نسيب الزيت على النار يسخن أكتر
نرجع للوعاء اللي فيه الخليط نقلبه مرة كمان و نغمس فيه قطع السمك لحد ما تتغطى بالخليط تماما و بعدين ننزلها في الزيت السخن و نقليها من دقيقتين لـ 3 لحد ما قطع السمك تطلع على السطح و الخليط يبقى ذهبي غامق. بعديها نشيلها من عل نار و نسيبها على ورق الزبدة تصفي الزيت
قبل ما الزيت يسخن أكتر هنضيف بسرعة البطاطس تاني حوالي دقيقة في الزيت لحد ما يبقى لونها ذهبي. نشيلها من على النار. نضيف الملح و نقدمها.. كده تمام..بالهنا و الشفا
ملاحظات
- في الخطوة الأولى ممكن منقشرش البطاطس و نسيبها بقشرها و ممكن نقطع البطاطس برضه في حجم البطاطس المحمرة العادية ..حسب الرغبة - في الخطوة التاسعة مهم ان احنا منقليش أكتر من 3 أو 4 قطع سمك في المرة الواحدة عشان الزيت يحتفظ بحرارته و السمك يطلع مقرمش و لذيذ